「維園秘聞之三」R Hut/ University Club/ 香港保衛戰/ Remembrance Day
十一月，你會發現周遭既人唔少都會佩戴Poppy 小紅花。每年11月11日Remembrance Day係為紀念第一次世界大戰、第二次世界大戰同埋其他戰爭犧牲奉獻既軍民。作為一個維港人，作為一個係維園讀書既大學生，應該要知道呢一日對香港人其實意義重大。
《University Club The University Club of Victoria 的前世今生》
University Club本身既存在真係有哂資格列得入維園秘聞，事關絕大部分既維港人由Freshman 入學讀到grad得離開維園都冇入過去一次。曾經有人同添仔報料University Club 其實係餐廳黎，價錢高，係大學有活動，先入過去一次同班敎授聚餐。但係呢間University Club其實對維港人有一種特殊既意義架！
University Club前身其實係為第二次世界大戰設立既軍事設施，名為「Good Ship」既後勤支援陣地。1939年成立後一直運作到1945年二戰結束，「Good Ship」就改變原本軍事用途，改為社區中心並主要服務由戰場退下火線既退伍軍人。
「Good Ship」迎接既係由遠東地區戰場歸來既一班加拿大軍人。世事巧合，呢一班軍人係由Victoria,香港遠洋回到北美既Victoria,佢地到達既Victoria 再唔係屍橫遍野，血腥既遠東維多利亞。而呢一班軍人到達「Good Ship」之前，經歷過遠東地區極為慘烈既「香港保衛戰」！
「香港保衛戰」為第二次世界大戰之中，其中一場極為慘烈既戰事。香港於第二次世界大戰前，港英政府只建成防守力極低既「垃圾灣防線」，而且極缺軍力防守。港英政府於日本軍隊進攻香港前夕，一直打算放棄香港既倫敦政府終於加派人手保衞香港，而大部分增援既係加拿大遣援軍。呢一班加拿大援軍出於對英聯邦陣營支援既義務，受過極為短暫訓練後就出征遠東地區既維多利亞—香港。
儘管「垃圾灣防線」一擊即潰，加拿大援軍一直死守香港島; 有加拿大軍人自我犧牲奉獻，其中就有軍士長John Robert Osborn徒手擲回日軍手榴彈，並以身一死保衞全軍，最終John Robert Osborn戰後獲最高榮譽維多利亞十字勳章。一眾幸存既加拿大軍人於英軍投降後就俾日軍送到戰俘營，渡過香港「三年零八個月」日治時期。戰後仲有命離開香港既加拿大軍人，大部分就送到加拿大既維多利亞，係維園既R Hut同「Good Ship」養傷。
隨著時間流逝，R Hut再唔係俾「香港保衛戰」既幸存者養傷既地方，而成為維園University of Victoria人口老化及健康研究中心；「Good Ship」就成為宜家既University Club,得閒搞下高級聚餐，婚禮既地方，普通學生可能到畢業都未去過既隱密處。
世事巧合，呢度維園真係同我地黎自既維園好有關係。添仔相信呢度既維港應該就係不少以身保衞香港既加拿大軍人，終老之地。
I heard my country calling, away across the sea,
Across the waste of waters, she calls and calls to me.
Her sword is girded at her side, her helmet on her head,
And around her feet are lying the dying and the dead;
I hear the noise of battle, the thunder of her guns;
I haste to thee, my mother, a son among thy sons.
呢一班既加拿大軍人，出於對國家既義務，對英聯邦既忠誠；捨身保衛香港。今日香港既繁榮穩定，並非必然。
加拿大軍人用生命捍衛既係今日既和平，佢地為香港維港奉獻自己，用生命提醒所有維港人，和平與自由得來不易。願你們一切安好，你地為香港所奉獻既，永遠為維港人所記念。
今次既維園秘聞寫到呢一度，添仔提提大家記得黎十一月八號學生會大樓MPR (small side) 11:30~1500既香港地！各位維港仔女，到時見!
編輯/寫手: Chan Ho
#uvic #hksa #hongkong #RemembranceDay #Canadian #WW2 #RHUT#UniversityClub #BattleofHongKong #維港人維港事 #維園大小事 #維園秘聞
November 6, 2017
📷 📷
Comments